فقاقيع كلام

فقاقيع بتطير في الهوا..وفقاقيع مفقوعة من اللي افترا فقاقيع روز..فقاقيع وردي..وفقاقيع سودا في داهية تودي

في أروووبا والدول المتقدمة.. هي دي الميكروباصات ولا بلاش



هو بيقود بهايم ولا إيه..
ومفيش حد قادر عليه..
يا عمي داحنا البني آدمين
ولا أنت مش فاهم بتقود مين
أو حتى مش محسوب ف العقلين
صحصح كدة وفتح مخك
بس أوعاك تفتحلي ف بقك
ولا إحنا بنكلم معتوهين
براحة داحنا ف عربيتك
والدريكسيون داب في إيدك
عجلك شمال كتير على حبة يمين
رايحين على فين مش عارفين
ياعم دغدت مفاصلنا
ومعاك قصرت أعمارنا
أظبط شكمانك يامعلم
ولا فيش معاك حد هيتكلم
أو حد يصرخ ويتألم
زيتك ياحاج رحته فاحت
والصحة معاه أهي راحت
وم الكحة الحنجرة باظت
الكل بيصرخ في ودانك
ياعم ظبط شكمانك
لا عمرك يوم بتسمعنا
أو حتى اتهزيت في مكانك
يا عمي اسمعنا مرة
دي عيشتك بقت صعبة ومرة
دا الطب يابا بيتقدم
ومبنقاش بنمشي بالخرزانة
أهدى كدة وتريس
دانت الأسطى فيها والريس
من جريك روحنا بتفيص
ولا أنت مش راكب ويانا
والله شكلك ما معانا...
وجيت تاخدنا على قفانا..
وخلاص معدنا نتحمل
توصليتك دي الخربانة..
ونصحية مني أمانة..
حوووود على أقرب جبانة..

مذكرات راكبة في الميكروباص
كتبتها فعلا في مكروباص كان مبهدلنا
لحسن حد يفهم كلام غلللللللللللللللللللللللللط

9 أكيد في تعليق عايز تقوله:

ههههههههه
جميلة جدا
بس والله اختى الواحد فعلا بيتبهدل فى الميكروباصات دى
ولو قال يركب اوتوبيس
يبقى بيرمى بنفسة الى التهلكة
ولو قال يركب تكسى
يبقى بيخرب على نفسة بأيده
ولو قا أمشيها احسن
يبقى بينتحر
طب نعم ايه
السلام عليكم

بدال كاتبها فى المواصلات هنتغاضى عن بعض الأوان

لأن هى جميلة بس فيها أوزان عايزه تتظبط

بس انتى عندك الملكة

محتاجه بس انك تقرى شعر عامى كتير

وتكتبى كتير

ونلاقيكى مبدعة ان شاء الله

لأ حلوة
ده الميكروباص سره باتع على كده طالما بيفجر الطاقات الكامنة
فقاقيعك كلها كويسة استمرى

ابداع ميكروباصات:)

دانت فيها الاسطى والريسسسسسسسسس
اممممممممممممممم
طيب كويس عرفت المغزى وكل افراد امن الدولة عرفوه ربنا يسهل
ههههههههههه

القبض على معتز منفى والجيزاوى بحبك يا مصر
تم إلقاء القبض صباحا على كل من المدون معتز عادل صاحب مدونة منفى
وأحمد الجيزاوى صاحب مدونة بحبك يا مصر
وذلك إثناء ذيابهم إلى الهايكستب بطرق مصر إسماعيلية الصحراوى للتضامن مع المحالين عسكريا
monzer they catch me in my way to cairoi donot know were they will take me nawtell all of them to take care and iam with u in modawn7"anafrom mo3takal
وما ألمنى اكثر ولم اقرأه إلا عند كتابة هذه الرسالة هي كلمته الأخيرة
donot forget me

وكانت رسالة أحمد الجيزاوى كالآتي
رسالة للجميع
أنا فى المترو واتقبض عليا خلى بالكم وتروحوا لوحدكم كانت رسالة معتز الساعة السابعة تقريبا، أما رسالة أحمد فبعديها بنصف ساعة تقريبا والامر بين يدي الله جميعا، وحسبى الله ونعم الوكيل
والسلام عليكم ورحمة الله وبركاته ...أخوكم منذر
نقلا من مدونة حين البأس...لاخويا منذر

جمده طحن
بس لو عرف سواق الميكروباص انتى حره
والله بحس انهم سيقين بملبس مش ببشر

تحياتى

الأخ مؤمن محمود
جميلة نظرية حضرتك رباعية الأبعاد دي.. يا ترى هنفضل متبهدلين لحد أمتى.. يارب أرزقنا جميعًا بعربيات ملاكي إن شاء الله 127 حتى..
ـــ
الأخ ياسر سليم

أنا أول مرة أنشر ما أكتبه في حياتي.. دايمًا كنت بحتفظ بالحاجات دي لنفسي حفاظًا على عقول القراء.. هههه
ـــ
مناجاة
دايمًا الأفكار المطرقعة مش بتيجي غير في الميكروباص مش زي ما بيروجوا البعض إنها تأتي في مكان تاني..
ـــــ
كات
فعلا هو ابداع ميكروباصي بحت.. وبشكر عمو السواق وعمو المنادي والراكبين كلهم اللي محدش نطق بكلمة لما كنا هنموت من السواقة الجنان دي وذلك لمساعدتهم لي على انفجار هذه القنبلة وهي الميكروباص الميكروباص الميكروباص..
ــــ
الأخ إمام الجيل
بريئة وربنا.. مش معاهم .. مش أنا .. مش كل حاجة .. ولا أعرف المدونة دي أصلا ومين دول ؟؟؟؟
ـــــ
أنا عرفت الخبر أيضًا امبارح ومع ذلك كلنا ركبنا اتوبيس واحد ووصلنا بسلام بفضل الله.. المهم الناس دي عاملة إيه دلوقتي؟؟؟؟؟؟؟؟؟؟؟؟؟؟؟


ـــــ
ضد الظلم
مع احترامي لكل الراكبين وأيضًا احترامي لنفسي والله بحس إنهم سايقيين أكياس جوافة
المشكلة محدش بيتكلم ولا بيعترض، ولو أتكلمت تلاقي اللي جنبي يبصلي بصة استنكارية هو يعني عشان أنا بنت وأتكلمت، طب لما الرجالة متكلمتش يبقى فاضل إييييييه؟؟؟
يييييه مواقف أكتر من كدة بتحصل في الميكروباص، ولو فضلنا نكتب مش هيكفي ديوان بحاله..
ربنا يرحمنا

لأ جميلة ..أوي

إرسال تعليق

أنا مين؟؟؟

صورتي
Egypt
مصرية مسلمة وأخت في الله .. أعمل بإدارة الموارد البشرية.. وبحب السما والبحر والنجوم والشجر والأطفال والألوان والفجر والغروب والشعر والقراءة والتأمل.. وبحب ماليزيا وأنا من مصر ونفسي أموت في مكة وبحب اسكندرية وأنا من القاهرة ونفسي أزور القدس..

About this blog







Recent News

حكم يومية


ـــــ فقاقيع كلام ـــــ شروق الشمس