فقاقيع كلام

فقاقيع بتطير في الهوا..وفقاقيع مفقوعة من اللي افترا فقاقيع روز..فقاقيع وردي..وفقاقيع سودا في داهية تودي







آآآآآآآآآآآآآآآآه ياااااابطني

مش قاااااادر أصلىىىىىىىى

بدوووخ في الصلاة وبيحصلي هبووووط حاااد

أصل أنا مش بروح أصلي عشان من عشر سنين كدة جالي إغماء!!

ـــــــــــــــــــــــــــ


عبارات كتييير بنسمعها في رمضان للتملص من صلاة التراويح

وعادة العبارات دي بنسمعها كتيييير أوووووي بعد أول أسبوع من الشهر الكريم

وده لأن المسلسلات بتبدي تسخن وتحلوووو.. والناس مش بتقدر لأن السيد شوشو

كان مزود جرعته عليهم قبل رمضان، فعندهم مخزون لحد آخر الشهر ويكفي لشهر بعده

وما أن نستهل رمضان بنفحاته الربانية إلا ويبدأ التليفزيون في الإعلان عن المسلسلات والبرامج

الهاااايفة بحجة شغل الصايم أثناء وتهوين الصيام عليه بالهايفة والمسخرة

وللأسف مع مرور أول أيام من رمضان بيقل الحافز الروحاني عند أىىىى إنسان

بيتفرج على التليفزيون في رمضان.. وأراااااهن أي حد بيتفرج على التليفزيون وبيعرف يكمل

رمضان زي ما أبتداه.. استحاااااااااااااالة

عشان كدة ياجماعة المفروض نضغط على نفسنا شوية

وننسى إن في تليفزيون اصلا.. إلا لو مثلا برامج إسلامية

على قنوات إسلامية كاملة مش بتبث أي مسلسلات عشان عيونا متزوووغش عندها

وأفضل في رمضاننا هذا قناة العفاسي ـ ورسالة ـ والمجد ـ والناس

أن لا نحووووول عنهم أو ننظر لغيرهم إلا لمثلهم... هاااااااااااااا

وإن شاء الله رمضاننا ده هيكون أحسن عبادة من أي رمضان تاني...

دي أول حاجة.. ندخل في الموضوع اللي بعده

إلا وهي الأكلللللللللللللللللللللللللللل


مدفع الإفطاااااااااااااااااااااااااااار

أضررررررررررررررررررررررررررب


بووووووووووووووووووووووووووووووووووووووووووم


تك بوم تش صه سك تك تك تك سسس سسس غغغمممم غممممم

بووى بوووى بووووا بووووا بوووووواااااا

الكل طبعًا مستغرب السطرين اللي فوق دول..

دول بعيد عنكم صووووت الأكل وهو ناااازل وكأنه نازل مزلقان

بس مزلقان مزحلق شوووووية.. والسطر التاني ده صوت المية والعصير

المهم أتكبست كبسة حلوة أووووووي ومبقاش في نفس

زي الحااااج اللي في الصوووورة دي










تفتكروا الراجل ده ممكن يروح يصلي بعد المصيبة اللي عملها دي


حتى لو راح الصلاة..... هيكمل التراويح للآخر؟؟؟؟؟؟


أكيد نوووو... وياااترى هو ده الصيااااام؟؟؟


عشان كدة مش لازم نخرج من رمضان وإحنا حاااااملين الدسم


ولكن تكون حصيلتنا في آخر رمضان عبادات جديدة ثبتنا عليها


وطاعات تقربنا بها لربنا.. وتركنا معصية وأكتسبنا طاعة



فأدعوووكم لفكرة جميلة إن شاء الله أقدر أعملها وأنتم كمان وهي...






تيجوووو كلنا نصوم رمضان السنة دي..

جديدة مش كدة



كل عاااام وأنتم إلى الله أقرب

وتقبل الله منا ومنكم صااالح الأعمال

وغفر الله لنا ولكم

27 أكيد في تعليق عايز تقوله:

فكرة جديده فعلاً

اننا نصوم رمضان السنادي

لو اتفرجنا نتفرج علي رساله ونسمع المجد

بس بلاش قناه الناس دي خالص ربنا يعافينا ويهدي المسلمين

الموضوع توتة خالص واسلوبك فى التعبير اكثر من رائع ما شاء الله عليكى والله
جعلك الله ذخرا للاسلام ... انتى كنتى علقتى فى احد مدوناتى وده من حسن حظى انى اشوف البلوج الجميل ده

ربنا يكرمك
ورمضان كريم

معاك حق فعلا يا شيرو في كلمة قولتيها
وانتي اتكلمتي في اكتر قضيتين مهمين ولازم ناخد بالنا منهم أوي

ربنا يبارك فيك ، وكل عام وانت بخير وإلى الله اقرب وعلى الطاعة ادوم

لك مني كل الحب والود

الأخ محمد

أنا بردوا أكتر قناة عجباني الرسالة ماشاء الله عليهم أكتر من رائعين من حيث الشكل والمضمون ونوعية القضايا اللي بيتناولها رائعة ومهمة في زماننا بحس إنها أكتر قناة متماشية مع مقتضيات العصر..

لكن الناس أنا مش بحبها غصب عني مش قادرة أحبها حاسة إنها بتخاطب فئة أقل ما يكون في الدين، وأسلوبهم في تناول القضايا مش بيعجبني والتصوير والإضاءة مش بحترموا المشاهد في الاهتمام بالنقطة دي ودي تعتبر حاجة مهمة..

يعني مرة قولت لنفسي المفروض إني أحاول اشوفها عشان يمكن تكون بتقدم حاجة تفيدني وأنا مش واخدة بالي

لقيتهم مستضفين شيخ تجويد مشهور بيتكلم عن القرآن فقال حاجة عجيبة أوي مدخلتش دماغي وأضايقت منها وهو إنه بيقول إننا المفروض نتهز رمضان عشان في حسنات كتير وبعدين ربنا (((بيغششك)))وبيقولك إن في جنة وفي نار يعني إحنا عارفنا يبقى نعمل عشانها.. تعالى الله

بصراحة أضايقت من الأسلوب الركيك في الحوار، طبعًا أنا مش بقول إن كل الشيوخ في قناة الناس بتعمل كدة لاااا دول كلهم ماشاء الله عليهم أحسبهم على خير ولا أزكي على الله أحدا.. لكن لو الغلطة دي عملها عمرو خالد مثلا أو طارق سويدان أكيد مش هتغفر له صحححححححح؟؟؟؟؟

على فكرة أنا سعيدة إن محمود المصري في قناة الرسالة لأني بحبه ربنا يبارك له ويباركلهم



وجزاكم الله أخي على مرورك وتعليقك في موضوعي

شباب مسلم

جزاكم الله خيرًا على هذا الثناء

ولكني بصراحة بتووه في مدونات حضرتك

فياريت أعرف اي مدونة علقت عليها

وفي تعليق بسيط على موضوعات حضرتك

هي ماشاء الله رائعة جدًا وفيها حث صحفي عالي لكن المشكلة إن حضرتك بتنزلها ورا بعض يكاد يكون موضوعين في اليوم وده مش بيخلي الناس تركز او تلحق تعلق وتقرأ موضوعاتك..
وخصوصًا إنها موضوعات جميلة..

يعني ده رأيي.. إن مضايقش حضرتك

وجزاكم الله خيراً على مرورك

نور

نورتيني.. فينك يابنتي

وبالنسبة للموضوع.. أنا مثلا هنتهزها فرصة وأقل اتنين كيلو في رمضان بفضل توجيهاتك يافندم..

الأول تقبل الله منا ومنكم إن شاء الله

صيامكم وقيامكم وكل رمضان إن شاء الله

وأنا معاكي لإن الوضع بيبقى مش ظريف بصراحة

ويلا نصوم رمضان

كلماتك بينت معظم الأسباب اللي بتهبط العزائم والهمم

ربنا يكرمك ويجعلها في ميزان حسناتكم

وجزاكم الله خيرا

الله يفتح عليك و يقوينا على الصيام و القيام
اوروفوار

كل سنة وانتي طيبة
ورمضان كريم

شروق الشمس بجد حلو البوست دا قوووى
انا فى برنامج كل ما افتحه الاقى اعلان من مسلسل قبله بجد أحس أنهم قصدين عشان الأعلان يشدك فتتفرج على المسلسل
ولا لما تلاقى بعرض الحيطة فى ميدان عام إعلان مسلسل ولا برنامج هايف
فعلا شوشو اداهم جرعة تكفى لبعد رمضان

أما موضوع التخمة بوم طاااااخ دى بقى فكارثة تانية
ربنا يهدينا كلنا ونصوم رمضان فعلا السنة دى كما يحب الله ويرضى

bedo

اللهم آمييين.. وإياكم

أنا بس كنت عاوزة أقول للناس من أول رمضان إننا متعلقش بحاجة في التليفزيون

لأن المشكلة بتبدي بحلقة واحدة

وبعد كدة حلقة تلو الأخر تلو الأخرى ويضيعوا التلاتين يوم اللي بنترجاهم في السنة

طهقانة..

ربنا يكرمك ياجميل

وأسعدني مرورك على مدونتي

ياريت أشوفك دايما..

سهر..

وأنتي طيبة حبيبتي وإلى الله أقرب

الله أكرم

الفجر القادم..

أهم حاجة إننا نكون فاهمين وواخدين بالنا من اللي بيحصل ونقاوم كل ده

عشان رمضان هو واحد في السنة فياريت كلنا نغتم الفرصة ونساعد بعض على ده

وربنا يتقبل مننا جميعا

ما شاء لفتنى الاسلوب جدا
وطريقة عرض الفكره ممتااااز
وانا فى اول رمضان وقعت فى مشكله التخمه والدوخه دى انما الحمد لله فقستها من تالت يوم وقلت بس كفايه كده انا اقوم من على الفطار جعان احسن يعنى مش جعان اوى انما قبل ما احس بالشبع علشان نقدر نصلى التراويح واحنا فايقين
جزاكم الله خيرا يا فندم على الموضوعات الجميله والمدونة الرائعه دى كلام مفقع

انا جايه اعزمك عندي في المدونه
اتفضلي شرفيني

الباحث عن الحقيقة

جزاكم الله خيراً يافندم

أنا أقل من كدة بكتييير

ربنا يكرمك..

والحمد لله إنك أدركت المشكلة قبل نهاية الشهر

سهر مضطرة أرد عليكي هنا

لأن تعليقي مش بينزل في مدونتك

..........
أنا كتبت تعليق وراااح

مش عارفة راااح فين

الظاهر فطرت عليه القطة...

الأكل جميل تسلم إيديكي اللي عملت سيرش على الصور

بس الأكلة التالتة دي قلبي مش مستريحلها

وشاكة في أمرها.. ممكن تشرحلينا سيادتك حضرتك يعني البتاع التالت ده إيه..

على فكرة أنا كنت عاوزة أفطر على المغرب وأنتي كدة خليتني أفطر على الصبح
شكلك فطريتينا على توقيتك

يلاااا خير.. يجعله عااااامر إن شاء الله

وحشتيني جدا جدا جدا...و سجدة و شمس ومستنية الفرج.....بجد حاسة انكم وحشتوني جامد جدا كأني اعرفكم من سنين و ياريتني عرفتكم من سنين...تعليقك عندي كان بيديني روح معنوية جامدة اوي...مصر وحشتني..النت هنا صعبة اوي و انا يادوب بلحق كام دقيقة من الشغل...كل سنة و انتي طيبة و رمضان كريم..تقبل الله منكم و منا صالح الاعمال...ماتنسينيش في دعائك..ربنا يحميكي..سلميلي على الجميع لحد ما اروح ازور مدوناتهم...
رنا

تعليقك وصلي من بدري ياجميلة

حلوه الفكره و حلوه الدعوه بس انا هقولك على حاجه المشكله بقت فينا احنا يعنى احنا اللى محتاجين اننا نقرب اكتر من ربنا لاننا بقينا بناخد اى حاجه حجه علشان ما نعملش اللى مفروض علينا لانه بديهى خصوصا فى الشهر ده
احنا قلبناه من شهر الصيام لشهر اشهى الماكولات
هتصدقى لو قلتلك انى لقيت عباره مكتوب عليها تمتعوا معنا بسحور رمضان الراقص
حسبى الله و نعمه الوكيل
تحياتى

نقطة ميييييييييية

نووووووووورتي بجد

كنت قلقانة عليكي جداااااااااااااااا

وحشتيني أخباراتك إيه كل سنة وأنتي طيبة

أسعدني جدًا وجودك في مدونتي

يارب تكوني سعيدة في دنيتك الجديدة

وأتمنى أشوف موضوعاتك الجميلة

سهر..

الحمد لله طمنيتي على مستقبلي التعليقي

الأخ شريف

وإيه يعني ما تيجو نستمتع بسحور رمضان الراقص.. ده حتى تكون حاجة أورجينال خاااالص ونيو جدا....

لا حول ولا قوة إلا بالله

للأسف البني آدميين بقت هي دي الحاجة اللي يجيدوا فعلها الرقص والغنا سواء رجال أو نساء ومفيش فرق بين الأتنين..

عارفين..

في وصف للإنسان عاجبني أوووي
وهو إن الإنسان روح وجسد.. فالجسد يحتاج إلى الطعام والملذات وكل ما هو على أرض الدنيا فكلما زاد احتياج الإنسان لما هو في الأرض سُحب إلى أسفل وأصبح عبدًا شهوانيًا..

وأما الروح فتحتاج إلى غذاء من نوع خاص وهو الروحانيات وعبادة الله والمناجاة والخشوع والبكاء وكلما زاد غذاء الروح أرتق الإنسان إلى أعلى فأصبح عبدًا ربانيًا..

وبين هذا وذاك إما الارتقاء إلى أعلى وأما النزول إلى أسفل..

ونجد الكثيييير ينتظر رمضان حتى يكون إلى أسفل حتى تكاد الأرض تحفر ويدفن بها وهو حي..

اللهم اجعلنا في هذا الشهر عبادًا ربانيين تباهي بنا ملائكتك ونكن من المتقين

اللهم آمييييييييييييين

:)متألقة كالعادة يا فقاقيع


كل عام و انت من الله اقرب و علي طاعتة ادوم

ربنا يبارك لنا و يحمس شباب الامة و يحفظهم

مش عارف ليه جالي إحساس
انك بترمي الكلام..


لا...

مش أنا...!


على كل حال

كل سنة وانت طيب

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,


Sharm .

www.worldub.blogspot.com

إرسال تعليق

أنا مين؟؟؟

صورتي
Egypt
مصرية مسلمة وأخت في الله .. أعمل بإدارة الموارد البشرية.. وبحب السما والبحر والنجوم والشجر والأطفال والألوان والفجر والغروب والشعر والقراءة والتأمل.. وبحب ماليزيا وأنا من مصر ونفسي أموت في مكة وبحب اسكندرية وأنا من القاهرة ونفسي أزور القدس..

About this blog







Recent News

حكم يومية


ـــــ فقاقيع كلام ـــــ شروق الشمس