فقاقيع كلام

فقاقيع بتطير في الهوا..وفقاقيع مفقوعة من اللي افترا فقاقيع روز..فقاقيع وردي..وفقاقيع سودا في داهية تودي


سبحان الله...،


ما بال الناس يذهبون ولا يرجعون
أرضوا فأقاموا.. أم تُركوا فناوموا؟؟

والله إن في السماء لخبره..وإن في الأرض لعبرة
ده جزء من إلقاء لقس بن ساعدة الأيادي أيام الجاهلية..
كان بيستغرب حال الناس اللي بتموت مش بترجع تاني وده قبل الإسلام
ودلوقتي وإحنا في الإسلام الناس لا تعتبر من قلة بركة الوقت
فاكرين أول يوم رمضان؟؟
وإحنا بنهني بعض بقدومه وبنسأل هنصلي وخطتنا إيه في رمضان
أيام بترووح ومحدش بيحس بيها.. وأهو الكل بيقول الوقت مفهوش بركة
أكيد من ذنوبنا.. فاكرين من عشرين يووم يااااااه هو فات عشرين يوم
أه والله فات عشرين يوم شوف سبحان الله.. إحنا لسه ملحقناش نهني بعض بدخول الشهر
أنا لسه كل ما أشوف حد بقوله كل سنة وأنت إلى الله أقرب
خلاص الشهر خلص كدة بسرعة..
لا لسه لسه متستعجلش في عشرة أيام من أهم عشر في الشهر
العشر الأواخر
هتغتنمهم ولا لسه الدنيا ضايعة عندك؟؟؟
يا من ضاع منه الأيام ولم يشعر بها
أري الله من نفسك خيرا فيما بقى من أيام
لا تبكي على مافاتك فما فاتك قد فاتك
وأنظر إلى العشر وهلم إلى الطاعات
لعل الله يجعل لك فيهم خيرا كثيرا
أوصيكم ونفسي .. اللي أجتهد في أول رمضان يظل على اجتهاده بل يزيد
ومن قصر فليغتنم آخر عشر من أيام الخير.. ويلغترف بجميع جوارحه مااستطاع...
ياجماعة رمضان لو خلص هيجي بعد سنة.. سنــــــــــــــــة
مين يعيش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو ضامن تعيش سنة كام خلاص سيبك من العشر الأواخر وخليك في الكحك والبسكويت وهدوم العيد
ياااالا سلام وفي حفظ الله
وبالله عليكم بالله عليكم بالله عليكم
متنسونيش من صالح دعائكم
ربنا يبارك لكم
ودعوة قليلة تمنع بلاوي كتير
وهنيالك ياداعي بالخير والثواب
ربنا يكرمك
وكل عام وأنتم إلى الله أقرب
وربنا يبلغنا جميعًا ليلة القدر ويغفر لنا ما تقدم من ذنبنا وما تأخر
والبوست الجي أعتقد هيكون بعد العيد
كل سنة وأنتم طيبين

12 أكيد في تعليق عايز تقوله:

جزاكم الله خيرا علي الموضوع الرائع
ربنا يكرمك

جزاك الله خيرا حبيبتى على الموضوع فتح الله لك فى هذة الأيام وزادك من عفوه يا رب
لا تنسينى من دعائك
اه صحيح أدخلى على مدونتى ليكى عندى تاج:)

جزاكي الله خير
عندك حق والله في كل كلمة قلتيها
يارب نقدر نستغل العشر ايام دول صح ونحاول نعوض شويه من اللي ضاعنا

كلامك تمام والله وجزاكى الله كل خير وكل سنة وانتى طيبة

يا رب يغفر لنا ذنوبنا و اسرافنا في امرنا لا ندري هل يعود علينا رمضان مرة اخري ام لا

عامة انا بصبر نفسي و اقول رب رمضان هو رب السنة كلها و لو الواحد ربنا فتح عليه في اي يوم ربنا يتقبل مننا صالح اعمالنا في اي وقت سواء في رمضان او غيرة

بس هو تجمع رائع للروحانيات

ربنا يديمة علينا نعمة و يجعلنا من المغفور لهم بإذنة تعالي

ربنا يجعل البوست ده فى ميزان حسناتك

صح و الله
الوقت بيجري بسرعه اوي
او ممكن الوقت الحلو بس
او اللي المفروض نستغله و مش بنستغله
عموما كل سنة و انتي طيبة
و تقبل الله منا و منكم
و يارب نكون اتعلمنا حاجه
سلااام

جزاك الله خيرا على كلماتك الطيبة
وربنا يتقبل منا الصيام والقيام

وكل عام وانت بخير بمناسبة عيد الفطر المبارك وعساكم من عواده بالخير والبركات يارب

تحياتي واشواقي لكِ يا غاليتي

من زمااااان معلقتش هنا :)

بس أوعي .. أنا متابعاك على طول :)

تقدري تقولي عندي (فقر تعليق) على وزن فقر تدوين

يا رب نشاط مدونتك يزيد شوية .. ايه يا بنتي ده الواحد بيشوف في يومه اللى يملا دواوين مش مدونة .. همتك بقى :)

جزاكم الله خيرا على زيارة مدونتي

ربنا يكرمكم

أنا أسفة تعليقي اتأخر لكن أنتم عارفين رمضان والعيد وتظبيطات ما بعد العيد الله المستعان

وكل سنة وأنتم بألف خير وسلامة

وكل يوم تقدموا خطوة للجنة

well done

تسلم الايادي

إرسال تعليق

أنا مين؟؟؟

صورتي
Egypt
مصرية مسلمة وأخت في الله .. أعمل بإدارة الموارد البشرية.. وبحب السما والبحر والنجوم والشجر والأطفال والألوان والفجر والغروب والشعر والقراءة والتأمل.. وبحب ماليزيا وأنا من مصر ونفسي أموت في مكة وبحب اسكندرية وأنا من القاهرة ونفسي أزور القدس..

About this blog







Recent News

حكم يومية


ـــــ فقاقيع كلام ـــــ شروق الشمس