فقاقيع كلام

فقاقيع بتطير في الهوا..وفقاقيع مفقوعة من اللي افترا فقاقيع روز..فقاقيع وردي..وفقاقيع سودا في داهية تودي

بسم الله.. طؤ طؤ طؤ..
واحد اتنين تلاتة..المايك شغال..
كله تمام؟؟؟ كله تمام يااااالا نبتدىىىىى
كلاكيت هنسجل أول مرة.. وااااان.... تووووووو
ثررررررررري................أكششششششششششششن
سيادتي آنساتي سيادتي.. السلام عليكم ورحمة الله وبركاته..
نرحب بكم في هذه اللحظة وفي نفس الثانية والتوقيت وفي نفس البلد أيضًا ـ يامحاسن الصُدف ـ في مدونتنا النيووو جدًا جدًا فقاقيع كلام.. وبهذه المناسبة نتقدم لكم بخالص الشكر من عمو وأونكل وطنط شروق الشمس إلى الأهل والأصحاب في المدونات الجيران، وبنشكر كل الأنترنتجية اللي زارونا النهاردة في الافتتاح ـ وياالا بقى على مدوانتكم عشان مش هنوزع جاتوه ـ قصدي نورتنا خالص خالص ومنتظرين النقوط...

وبعد المقدمة والترحيب والذي منه.. نتكلم شوية عن فقاقيع كلام.. هتسألوني ليه فقاقيع كلام هجاوب بكل بساطة، لأن حتى الكلام بقى مفقوع من الكلام اللي بيتكلموه المتكلمين قصدي المسئولين أقصد صناع الفرار.. معلش مش مركزة قصدي صناع القرار.. صناع القرار في أي مكانٍ كان.. اللي بإيديهم يتحكموا في موظف بسيط ومنه لمصلحة ومنه لمجتمع وشعب ومن ثم التحكم في قرار أمة.. يعني من أصغر صانع للقرار نونو ولسه بيحبي تاا تاا تاا تاا خطي العتبة.. وحتىىىىى العملاق اللي بيتحكم في مصير أمة..

كلنا بإيدينا قرار بنصنعه حتى ولو ما اتعلمناش ده، الصمت على الذل ده قرار بالمشي جنب الحيط والعيش بمبدأ "وأنا مااالي وأنا ماااالي خليني ياعم أنا في حاااالي" هذا النوع من الصُناع بيديه يصنع ذل وهوان أمة، ولأن كتييير منا وللأسف يعيشون بهذا المبدأ اصبح الكلام في دنيانا هذه حرام..

وبردوا اللي أتكلم وقال للظلم لاااا في وشه.. واتبهدل ومخفش إلا الله وكان أهم حاجة عنده إنه يقول لاااا للفساد.. يقول للظالم أنا شايف ظلمك وهعلنه للناس.. النوع ده من الصناع عايش بمبدأ أن يحيي بيته أو مجتمعه أو أمته يصحيها من النوووم اللي عايشة فيه قومي بقى يا أمتى طلعتي روحي وفقعتي مرارتي والكلام منك اتفقع.. ولما اتفقع قال كلام.. والكلام ده جه هنا في فقاقيع كلام....

أي حد هنا مفقوع قرأ المدونة عشان مفقوع وعاوز يشارك في المدونة أرحب بكلامك المفقوع لو كان مفقوع زي كلامنا المفقوع، وهنتكلم عن أي حاجة فقعتنا أي حاجة أي حاجة..."وهو في إيه مبقاش يفقع"
فقاقيع بطير في الهوا..وفقاقيع مفقوعة من اللي افترافقاقيع روز..
فقاقيع وردي..وفقاقيع سودا في داهية تودي
وبالمناسبة دي تحبوا تقولوا إيه في الهبي نيو بلوجر؟؟؟حسبنا الله ونعم الوكييييييييييييييييييييييل





5 أكيد في تعليق عايز تقوله:

السلام عليكم

يشرفني اكون أول واحدة تعلق على اول بوست ليكي يا قمر

الحقيقة شوقتيني أقرأ لك ومستنية كلماتك .. ربنا يجعلها كلها في ميزان حسناتك

:)

ايه دا انا كنت ناوية اكون اول واحدة
مش مشكلة علشان خاطر الأخت نور
المهم بوست جميل
ومبروك المدونة وربنا معاكى ونشوف إبداعات اكتر واكتر

وعليكم السلااااام ورحمة الله وبركاته
مرحب مرحب بالناس المنورة
ربنا يكرمك على التشجع الفزييييع ده
ويارب دايمًا موجودين عندنا

النظافة/ النظافة العامة - النظافة الخاصة جميع النظافة باشكالها وانواعها ضرورة بل لازمة فى الحياة لا بدونه ياتى الامراض بل قل اللة تعالى عن النظافة ورسولة وعندما نتحدث عن النظافة فلديك شركة تنظيف بالرياض وايضا مكافحة الحشرات وهى من انواع النظافة المهمة ايضا وهى شركة مكافحة حشرات بالرياض ومن الاسباب التى تساعد على مكافحة الحشرات هى رش المبيدات وهى شركة رش مبيدات بالرياض ومن انواع النظافة تسليك المجارى وهى شركة تسليك جارى بالرياض ولدينا خدمات اخرى كثيرة جدا مثل شركة تنظيف مسابح بالرياض وافضل شركة نقل عفش بالريض
وللاتصال وطلب الخدمة 0508400941

شركة نقل عفش بالدمام

إرسال تعليق

أنا مين؟؟؟

صورتي
Egypt
مصرية مسلمة وأخت في الله .. أعمل بإدارة الموارد البشرية.. وبحب السما والبحر والنجوم والشجر والأطفال والألوان والفجر والغروب والشعر والقراءة والتأمل.. وبحب ماليزيا وأنا من مصر ونفسي أموت في مكة وبحب اسكندرية وأنا من القاهرة ونفسي أزور القدس..

About this blog







Recent News

حكم يومية


ـــــ فقاقيع كلام ـــــ شروق الشمس