فقاقيع كلام

فقاقيع بتطير في الهوا..وفقاقيع مفقوعة من اللي افترا فقاقيع روز..فقاقيع وردي..وفقاقيع سودا في داهية تودي

نجاح أحمد شعبان أظهر ردود فعل متباينة بين مستغرب ومتحفظ خاصةً بعد الأنباء المؤكدة بأن فوز مرشح حزب التجمع، إنما جاء عبر صفقةٍ بين رفعت السعيد- رئيس حزب التجمع- وقيادات الحزب الوطني بعد قرار أحزاب المعارضة الرئيسية الوفد والناصري بالمقاطعة ورفض المشاركة في حين فضل حزب التجمع أن يجامل النظام بمرشحين اثنين كان أحمد شعبان واحد منهم بل والوحيد الذي قبلت أوراق ترشيحه قبل يوم واحد من بدء عملية التصويت من بين عشرات الأحكام القضائية لقبول مرشحين آخرين بإدراج أسمائهم ضمن كشوف المرشحين لتلك الانتخابات إلى جانب أحكام قضائية تقضي بوقف تنفيذ وإلغاء قرار إجراء انتخابات الشورى بالدائرة الرابعة بمحافظة الإسكندرية ومقرها أقسام (اللبان- الجمرك- مينا البصل)ــــ المصدر إخوان أون لاين ــــ
أدان الرئيس المصري حسني مبارك اليوم السبت سيطرة حركة المقاومة الاسلامية (حماس) على غزة وقال إنه يعد "انقلابا على الشرعية الفلسطينية"..
وقال مبارك موجها حديثه لبرلمانيين من حزبه الوطني الديمقراطي الحاكم "نتابع عن قرب تداعيات الانقلاب على الشرعية الفلسطينية (في غزة) وما ألحقه من أضرار جسيمة بالشعب الفلسطيني."
وتابع "نأسى لاراقة الدماء الفلسطينية بأيدي الفلسطينيين في اقتتال تجاوز كل الخطوط الحمراء."
وتستعد مصر لاستضافة قمة إقليمية تضم رئيس السلطة الوطنية الفلسطينية محمود عباس والعاهل الأردني عبدالله الثاني ورئيس الوزراء الاسرائيلي إيهود أولمرت بعد يومين في منتجع شرم الشيخ على البحر الأحمر.
وأدانت مصر بالفعل حماس بعد تغلبها على حركة فتح التي يتزعمها الرئيس الفلسطيني محمود عباس في قطاع غزة وحثت كل الفلسطينيين على الالتفاف حول عباس..
وقررت مصر الاسبوع الماضي نقل سفيرها ودبلوماسييها لدى السلطة الفلسطينية من غزة الى الضفة الغربيةــــالمصدر الـ بي بي سي ــــ
هل يوجد فرق بين الكلام بالأحمر ده وبين الأحمر بخطاب رفعت السعيد "حزب التجمع"؟؟؟ أنا لا أرى فرقًا، ومن الطبيعي عدم التفوه بكلام عكس السيد الرئيس فهذا يُعد قبحًا وبالأخص بعدما تمت الصفقة على خير!! فهذا الخطاب بمثابة هدية للرئيس بعد اتمام الثفقة، وأهو كل من هب ودب يتحدث باسم مصر،، ـ حسبنا الله ـ فلا تتوقعوا في هذا الزمن ومع هؤلاء أن يقول أحدًا منهم كلمة "حــــــق" فها نحن أعتادنا ذلك، ولا عزاء للشعوب "المقهورة"، فمن الطبيعي أن تجد حركة المقاومة الجادة الفعلية كل هذه الانتقادات والاتهامات، وأرى أن الخطأ الوحيد الذي ارتكبته حماس هو الدخول في حكومة تميع الحق "فتح"، ومازلت أهتف...
حماااااس حمــــــــــــــــــــــــــــــاس حمــــــــــــــــــاس

15 أكيد في تعليق عايز تقوله:

يا سيدي بين مبارك و السعيد يا قلبي لا تحزن


انت والله غلطان انك اديتهم مكان في مدونتك


احسن شئ ل هؤلاء هو التطنيش

المزبلة

مزبلة التاريخ

حتى الآن مازلنا في الحاضر وهم معانا

حين يأتي الذي نقول فيه أنه أصبح تاريخ

أعدك أني سأرمي هذا الموضوع في

أقرب مقلب زبالة وهذا إن تقبل

مقلب الزبالة هذا الأمر..

وهربي أطفالي في المستقبل إن شاء الله

أنه "كان هولاكو رجلاً مستبدًا"

السلام عليكم ورحمة الله وبركاته
احب فى البداية اشكرك على (المفقوع) قصدى الموضوع الفقعة دة واحب اقول ايضا انى مش هعقب على الهدية بتاعت المجلس

بالنسبة بقى لفتح وحماس الـ2 تصرفاتهم غير مسئولة
متحمسين للقتال فى نفسهم وفتح البلد للغاصب تقديمها للمحتل على طبق من دهب
بجد مرارتى (اتفقعت) ومش عارفة هى فين اصلا السلطة اللى بيتخانقوا عليها
ربنا يهديهم ويرحمهم من فقعة الدماغ دى واحنا مرارتنا تترحم شوية
دى خطة تفقيع عالمية الظاهر

واخيرا بقى احب اسأل سؤال برئكدة
هو حضرتك ناوية تخلى كل المواضيع بتعة فقاقيع كلام (تفقع)؟

هى فتح ايه والحزب الوطنى ايه مش واحد بردو ولو هنتكلم عن رفعت السعيد كان من الاولى ان الاخوان ميدخلوش هذه المسرحيه المعروف نتائجها مسبقا وميكنش الاخوان ديكور ومحلل لهذه الانتخابات
ورفعت السعيد معروف بسفقاته المشبوهه مع النظام محاوله منه فى اقصاء الاخوان المسلمين من الحياه السياسيه فى مصر

بس وده راى الخاص

تحياتى

تان تان تان

موسيقى تصويرية

ولا اقولك الموسيقى حرام

مافيش اسمايل لونه احمر وبيغلى من الغيظ

هفرقع ياربي ..

بجد مش عارفة اعلق اقول ايه تعبت نفسيا من الموضوع دا .. وكله بيتكلم وكله بيعرض وجهة نظره وكله مش فاهم حاجة تقريبا ..واللي فاهم مش عارف يفهم اللي مش فاهم
واللي مش فاهم مش عايز يفهم من اللي فاهم
وحد فاهم حاجة ؟!!!

مش قصدي على بوستك اي حاجة والله ربنا يبارك فيكي يا شروق ..
بس انا قولت اطلع شوية فقاقيع من اللي جوايا معاكي

احسن خلاااااااااص

غير معرف يقول... ٢٨‏/٦‏/٢٠٠٧, ٦:٥٩ ص  

عجبتني مدونتك
جدا


بالتوفيق والبنين

heart
يعني إيه تصرفات غير مسئولة هو الرياسة بيمسكها مجانين قولي عملاء أه مأجورين أه منتفعين أه لكن مجانين دي جديدة..

حبيبتي شكلك مش فاهمة القضية بكل جوانبها، أدعو الجميييييع لتظبيط دماغهم في مدونة ظبط دماغك هي عاملة موضوع قيم بتشرح فيه تطورات القضية الفلسطينة وحقيقة الاقتتال الداخلي
http://tazabit.blogspot.com/ وجزاها الله خيرا
ــــــــــــــ

ضد الظلم
المشكلة إن الناس دي بتتكلم بأسمنا إذا كان الريس ولا رفعت السعيد الزفت ده ـ استغفر الله ـ والله الواحد هيفرقع من الناس دي هيروحوا من ربنا فين حسبنا الله ونعم الوكيل.. مع اختلاف البلاد إذا كان فلسطين أو إيران أو العراق أو مصر أو .. أو .. أو ..لكن كلهم متفقين في حزب واحد وهو معًا من أجل الذل للشعوب اللي بنحكمها والعمالة ولصالح مين أعداءنا

لنا الله .. لنا الله
ــــــــــــ

نــور
خليها دُف تصويري بدل الموسيقى نياههههاااا
اللي إحنا نقدر نعمله بجد هو محاولة توصيل أبعاد القضية للناس اللي حوالينا.. المشكلة الإعلام بيوصل حاجات تجيب الضغط والسكر وجميع الأمراض المزمنة
ـــــــــــــ

طهقان

ياااه الأخ طهقان عندنا أمال فين الجزء الثاني طهقانة..

أسعدني مرووووركم جدااااااااا

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

رديت عليه من قبل زيارة حضرتك الكريمة لمدونتي الصغيرة

tugh فعلا أختى حماس هى الغلطانة
وان هى اتعدت على الشرعية
بس على الشرعية الحقيرة التى يفرضها مبارك بن الــــــــــــــــــــــــ و أعوانه
شرعية عباس واليهود و العملاء
ولازم فعلا حماس تسيب الحكومة وتعود زى ما كانت حركه جهادية
وبكده يبقى الحق هيعود بسرعة

لا املك إلا ان اقول حسبنا الله ونعم الوكيل في الظالمين و اللهم انصر حكومة حماس

الراجل الى سامه رفعت السعيد ده
هايجننى أصلا
يعقد يشتم فى الاخوان ويسفه منهم ويتهمهم انه جهلة وغيره، وحسيت فترة انه قوى جدا وانه جامد
بس طلع علشان مطرح فى مجلس الشورى باع كل حاجة، زيه زي حيدر بغدادى بالظبط

الناس ده فاكره انها لوحدها الى بتفهم ولا ايه، تى المعارضة فاكرنا قتلة فكارنا اننا متنا خلاص

ــــــــــــــــ

اما بخصوص حماس
فمش عارف الجدع ه سايق بينا وهاويدينا لغاية فين أنا مش عارف
مخلى شكلنا وحش أوى وسط العرب
ماشى كده بدماغه وكاننا مش مواجدين ولا مرعى مشاعر أتن التخين فينا للأسف
مافيش حد فارق معاه أبدا
بس حماس مش محتاجة شرعية البعثة الدبلوماسية أصلا،
لأنه وللأيف فيه عناصر من الوفد الامنى كانت بتغلب فريق على فرق
كان بيبعت يدرب حرس الرئاسة والأمن الوقائى عن القوة التنفيذي
والاموال الامريكية بتروح للسلطة الرئاسة عن غيرها
ونيجى احنا على الحدود بعد ما الزهار يا عينى يقعد يلف فى الجامعات والنقابات علشان يلم مليون جنيه ، ويتقبض عيه على المعبر ببلاغ من نظامنا الفاقد لشرعيته

آسف على الإطالة ولكنها مواضيع مهمة للغاية وسعدت جدا بالزيارة

بداية أختى الكريمة

الموضوع كبيير أوى

بالنسبة لحستى مبارك
( بالتاء و مش غلطة مطبعية )

و رفعت التعيس
( برده مش غلطة مطبعية )


مفيش فرق

معلش مش ح أااقدر أعلق تانى

إستنى تحليلى الكامل للموضوع

حسبنا الله ونعم الوكيل .. ويمكرون ويمكر الله ..


ذكريات جامعة المنصورة

مش هقول غير ان الحل الوحيد ان ربنا ياخد الفكر ده

مش ياخدهم هما .. ياخد الفكر بتاعهم

إرسال تعليق

أنا مين؟؟؟

صورتي
Egypt
مصرية مسلمة وأخت في الله .. أعمل بإدارة الموارد البشرية.. وبحب السما والبحر والنجوم والشجر والأطفال والألوان والفجر والغروب والشعر والقراءة والتأمل.. وبحب ماليزيا وأنا من مصر ونفسي أموت في مكة وبحب اسكندرية وأنا من القاهرة ونفسي أزور القدس..

About this blog







Recent News

حكم يومية


ـــــ فقاقيع كلام ـــــ شروق الشمس